اسلام آباد – 05 جون (اي پي پي) بينظير انڪم سپورٽ پروگرام (بي آءِ ايس پي) جي چيئرپرسن ماروي ميمڻ چيو آهي ته ايندڙ مالي سال 17 – 2016ع جي بجيٽ ۾ معاشري جي غريب ۽ پٺتي پيل طبقي جي لاءِ فنڊن ۾ اضافو ڪيو ويو آهي ته جيئن سماجي تحفظ کي يقيني بڻائي سگهجي، بجيٽ ۾ زراعت جي شعبي جي ترقي ۽ گهٽ ۾ گهٽ اجرت جي حوالي سان به اهم فيصلا ڪيا ويا آهن. اي پي پي سان ڳالهائيندي هن چيو ته بي آءِ ايس پي جي لاءِ 115 ارب رپيا ۽ پاڪستان بيت المال جي لاءِ 4 ارب رپين جا فنڊ رکيا ويا آهن جڏهن ته ملازمن جي پگهارن ۾ به 10 سيڪڙو اضافو ڪيو ويو آهي جنهن سان عام ماڻهو جي زندگي جو معيار بهتر ٿيندو.
