کراچی ۔30جنوری (اے پی پی):سابق صدر آصف علی زرداری پشاور اچ خودکش دھماکے دی مذمت کیتی اے ۔میڈیا سیل بلاول ہاؤس توں جاری بیان موجب سابق صدر آصف زرداری آکھیے خیبر پختونخوا اچ دہشتگرداں داسرگرم تھیوݨ ٻہوں خطرناک اے ،حکومت نیشنل ایکشن پلان تے عمل کریندے ہوئیں دہشتگردی دیاں نرسریاں کوں تباہ کرے ۔ انہاں آکھیے ضمنی تے عام انتخابات توں پہلے دہشتگردی دیاں وارداتاں پاروں باعث تشویش ہن ،وفاقی اتے صوبائی نگران حکومت دہشتگردی دے منصوبہ سازاں اتے سہولت کاراں کوں قانون دی وٹھ اچ گھن آوے۔
