ملتان ۔ 23 ستمبر (اے پی پی) وزیرخارجہ تے دربارعالیہ حضرت بہاءالدین زکریاملتانی دے سجادہ نشین مخدوم شاہ محمودقریشی آکھیا جو بھارت پاکستان اچ انتشار پاونڑ چاہندے،صوفیاءدی تعلیمات تے عمل کر تے امن اتے بھائی چارے کوں ودھایا ونجے۔اے گالھیں انہاں بدھ کوں برصغیر دے عظیم روحانی پیشوا حضرت بہاءالدین زکریاملتانی سہروردی دے ترائے ڈینھ وار 781ویں سالانہ عرس مبارک دے موقع تے قومی زکریاکانفرنس دی پہلی نشست نال خطاب کریندیں ہوئیں آکھی۔انہاں آکھیا جو بھارت پاکستان اچ انتشار پاونڑ چاہندے،صوفیاءدی تعلیمات تے عمل کر تے امن اتے بھائی چارے کوں ودھایا ونجے۔وزیرخارجہ آکھیا جو پاکستان ایں ویلھے ترقی دی راہ تے ٹردا پئے اتے بہوں جلدی ترقی دے فائدے عوام تئیں پجسن۔انہاں آکھیا جو بہوں پرے توں لوک روانی سکون سانگے اتھاں آئن،انہاں کوں محبت دا جیڑھا بوسہ اتھوں ملدے او کتھائیں کائنی ملدا۔ایں توں پہلے انہاں حضرت بہاءالد ین زکریا دے مزار کوں غسل ڈے کراہیں عرس دی تقریبات دا افتتاح کیتا۔ایں موقع تے مخدوم زادہ زین قریشی، سجادہ نشین دربارچادروالی سرکاری سید علی حسین شاہ، معاون خصوصی وزیراعلی پنجاب حاجی جاوید اختر انصاری، ڈپٹی کمشنرملتان عامرخٹک اتے معروف صنعتکار جلال الدین رومی وی موجود ہن۔
