اسلام آباد۔13اگست (اے پی پی) وزیرِ اعظم شہباز شریف داضلع قلعہ عبداللہ بلوچستان اچ اڄوکے مینھ تے سیلاب پاروں جانی و مالی ضیان تے ݙکھ تے تشویش دا اظہار کیتے ۔وزیر اعظم آفس میڈیا ونگ توں جاری بیان موجب وزیرِ اعظم ا ین ڈی ایم اے، پی ڈی ایم اے اتے بلوچستان حکومت کوں امدادی کاروائیاں تکھیاں کرݨ دی ہدایت کیتی اے ۔وزیرِ اعظم سیلاب توں متاثرہ علاقیں دے حوالے نال وختی طور تے رپورٹ پیش کرݨ دی ہدایت کیتی اے ۔ وزیرِ اعظم سیلاب توں ݙو بند ترٹ ونڄݨ تے ضیان دے مکمل تخمینے دے بعد رپورٹ پیش کرݨ دی ہدایت جاری کرݙتن ، وزیراعظم آکھیے جو او وختی قلعہ عبداللہ دے سیلاب زدہ علاقیں دا دورہ وی کریسن ، انہاں ہدایت کیتی جو سیلاب ااچ پتھے لوکاں کوں ترجیحی بنیاداں تے محفوظ جاہ تے پڄایا ونڄے ۔وزیر اعظم آکھیے جو سیلاب متاثرین دی رہائش کیتے خیمہ وستیاں اتے کھاوݨ پیوݨ دیاں چیزاں دا وختی انتظام کیتا ونڄے ۔
