لاہور۔6ستمبر (اے پی پی):نگران وفاقی وزیر مذہبی امور انیق احمد ٻدھ کوں متروکہ وقف املاک بورڈ دے ہیڈ آفس دا دورہ کیتے ۔ ترجمان مذہبی امور موجب چیئرمین متروکہ وقف املاک بورڈ سید عطاء الرحمن ادارے دے اغراض و مقاصد اتے سرگرمیاں تے بریفنگ ݙیندے ہوئیں ݙسائے جو وقف اتے ٹرسٹ املاک دی ݙیکھ بھال اتے آمدن دے حسابات دا ذمہ وار اے۔پاکستان اچ ھک لکھ ایکڑ 9 ہزار ایکڑ زرعی و غیر زرعی زمین موجود اے ، ادارے دے زیر انتظام 11 ہزار 495 رہائشی تے کمرشل یونٹس اتے 19 پلازے موجود ہن،99 فیصد املاک اتے 92 فیصد زمیناں دی جیو ٹیگنگ مکمل تھی چکی اے ۔ پاک بھارت معاہدے دے تحت 7 ہزار 500 سکھ جݙاں جو ھک ہزار ہندو یاتری پاکستان آندن ۔بورڈ غیر مسلم طلباء کوں 13 ملین دے تعلیمی وظائف ݙیندا پئے ۔ وزیر مذہبی امور آکھیے متروکہ املاک دے کرائے مارکیٹ ریٹ دے مطابق کیتے ونڄن، بھارت توں آوݨ آلے ہندو اتے سکھ یاتریاں دی تعداد ودھاو ویی ،بورڈ غیر مسلم طلباء دے وظائف کوں ودھاوݨ کیتے وختی اقدامات کرے ۔
