اسلام آباد۔4اگست (اے پی پی) وزیراعظم دے مشیر برائے امور کشمیر اتے گلگت بلتستان قمر زمان کائرہ آکھیا جو کشمیریاں حق خودارادیت کیتے ٻہوں قربانیاں ݙتن، پنڄ اگست 2019 دے بھارتی اقدامات دا مقصد بھارت دے غیر قانونی قبضے اچ جموں تے کشمیر اچ مسلماناں دی اکثریت کوں اقلیت اچ بدلݨ اے۔ اے ڳالھیں انہاں جمعے کوں یوم استحصال کشمیر بارے انسٹی ٹیوٹ آف سٹریٹجک سٹڈیز اچ سیمینار توں خطاب کریندیں ہوئیں آکھی۔ انہاں آکھیا جو بھارت کشمیر تے آپݨٰی پوزیشن تبدیل کریندا رہندے جئیں اچ اونکوں کجھ ملکاں دی حمایت اے۔ بھارت اتے اسرائیل ہکی پالیسی تے ٹردے پئن، کشمیر دی آزادی دے بغیر پاکستان دی آزادی ادھوری اے۔ مسئلہ کشمیر تے پاکستان دی ساری سیاسی جماعتاں دا موقف ہکو اے۔ انہاں آکھیا جو پاکستان دے بھارت نال تعلقات اچ بنیادی تنازعہ کشمیر اے۔ تقریب توں سابق سیکرٹری خارجہ اتے انسٹی ٹیوٹ آف سٹریٹجک سٹڈیز دے ڈائریکٹر جنرل سہیل محمود، او آئی سی دے آزاد مستقل انسانی حقوق کمیشن دی رکن سابق سفیر تسنیم اسلم، آزاد کشمیر دی سابق وزیر برائے سماجی بہبود فرزانہ یعقوب، ایگزیکٹو ڈائریکٹر ریسرچ سوسائٹی آف انٹرنیشنل لاجمال عزیز، چیئرمین کشمیر انسٹی ٹیوٹ آف انٹرنیشنل ریلیشنز الطاف حسین وانی، کل جماعتی حریت کانفرنس دے سینئر رہنماغلام محمد صفی، انسی ٹیوٹ آف سٹریٹجک سٹڈیز دے ڈائریکٹر ملک قاسم مصطفیٰ اتے ٻئے مقررین خطاب کیتا۔
.jpg)