لاہور۔ 09 جولائی (اے پی پی):وفاقی وزیر اطلاعات و نشریات مریم اورنگزیب آکھیے نینگراں کوں مثبت ذرائع ابلاغ دی لوڑھ اے ، پی ٹی آئی اپݨے دور اچ سارے اداریں کوں تباہ کیتا، چار سال ملک اچ نفرت دے بج رادھے ڳئے، ریڈیو اتے ٻئے ذرائع ابلاغ قومی ورثہ وقت دی اشد ضرورت ہن، سکرین ٹورازم دے ذریعے پاکستان دا مثبت بیانیہ اجاگر تھیسی ، عوام کوں سستی تفریح ݙیوݨ دیاں کوششاں کریندے پیوں ، اے ڳالھ انہاں ریڈیو پاکستان لاہور اچ مختلف منصوبیں دی افتتاحی تقریب اتے پریس کانفرنس توں خطاب کریندے ہوئیں آکھی اے ۔ وفاقی وزیر اطلاعات آکھیے وزیراعظم محمد شہباز شریف دے وژن موجب ورثہ اتے ثقافت دے ذریعے پاکستان دا مثبت امیج پوری دنیا تئیں پڄاوݨا اے ، ایں ویلھے پاکستان دی نینگر نسل کوں مثبت ذرائع ابلاغ دی لوڑھ اے کیوں جو گزریل حکمراناں آپݨے چار سالہ دور اچ حکومت اچ سارے اداریں کوں ٻہوں وݙا ضیان پڄایا ،ملک اچ نفرت دے بج رادھے ڳئن ، انہاں آکھیے وزیر اعظم دا وژن اے جو نوجواناں دے ہتھاں اچ لیپ ٹاپ ہووݨا چاہیدے نہ جو پٹرول بم ، مسلم لیگ (ن) دی حکومت 2017-18اچ فلم پالیسی دی بنیاد رکھی اتے ایں کیتے بجٹ وی مختص کیتا ڳئے لیکن بدقسمتی نال گزریل حکومت ہرادارے کوں تباہ کیتا ، پاکستان ٹیلی وژن اتے ریڈیو پاکستان کوں نیلام کرݨ دیاں ڳالھیں کیتیاں ڳیاں جݙاں جو انہاں کوں احساس تئیں نہ ہئی جو نیشنل براڈ کاسٹ دی حفاظت کیتی ویندی اے جہ جو اینکوں ضیان پڄایا ونڄے ، پاکستان اچ کوئی وی دہشت گردی دا واقعہ رونما تھیا تاں اینکوں پوری دنیا اچ ݙٹھا ویندے لیکن پاکستان دی کلچرل ٹورازم کوں دنیا نی ڄاݨدی جیں کوں سکرین دی سیاحت دے ذریعے مثبت بیانیہ بݨا تے ݙکھایا ویسی تے حکومت ورثہ، ثقافت اتے سینما دے ذریعے کلچرل بیانیے کوں ول بحال کرݨ کیتے پوری طرح قانون سازی کیتی اے ۔
