اسلام آباد۔15دسمبر (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے ڈسٹرکٹ ریٹرننگ افسراں دی تعیناتی دا اختیار الیکشن کمیشن کنے ہے، الیکشن کمیشن آئین اتے قانون دی روشنی اچ آپݨے لائحہ عمل دا اعلان کریسی۔ اساں الیکشن کمیشن توں پچھ سڳدوں نہ نگرانی ، د??حقیقت الیکشن کمیشن نگران حکومت دی نگرانی کریندے ۔ الیکشن کمیشن دے ٻاہروں میڈیا نال ڳالھ مہاڑ کریندے ہوئیں نگران وفاقی وزیر اطلاعات آکھیے آئین دے آرٹیکل 218(3) دے تحت ملک اچ انتخابات کراوݨ دا واحد ذمہ وار آئینی ادارہ الیکشن کمیشن آف پاکستان اے۔ انہاں آکھیے جے کہیں کون الیکشن کمیشن توں شکایت اے تاں او الیکشن کمیشن نال رابطہ کرسڳدے ۔ ھک سوال دے جواب اچ انہاں آکھیے ڈسٹرکٹ ریٹرننگ افسراں دی تعیناتی دا اختیار حکومت کنے کائنی بلکہ الیکشن کمیشن کنے ہے، ریٹرننگ افسراں دی تعیناتی دے حوالے ن??ل الیکشن کمیشن ہی ݙسا سڳدے ، حکومت کنے ایں طرح دی تعیناتی دا کوئی اختیار کائنی۔ ھک سوال دے جواب اچ انہاں آکھیے جو پاکستان دے اندر آئینی حکومت اے، اساں آئینی عمل دی پیداوار ہیسے، آئین دے آرٹیکل 19 اتے 19 اے دے تحت ہر ھک کوں آزادی اظہار دا حق حاصل اے، میڈیا آزاد اے، ایں تے کہیں قسم دی پابندی کائنی۔ ھک ٻئے سوال دے جواب اچ انہاں آکھیے ساریاں رجسٹرڈ سیاسی جماعتاں کوں ھکو سواں موقع ݙیندے پیوں ، سیاسی جماعتاں دے رہنماواں کوں تنقید دا حق حاصل اے۔
