راولپنڈی۔2جنوری(اے پی پی)سانحہ 9 مئی 2023ء دے 19 مجرمان دیاں سزائیں اچ معافی دا اعلان کر ݙٹا ڳئے۔ سزائیں تے عمل درآمد اچ، 67 مجرمان قانونی حق استعمال کریندے ہوئے رحم اتےر معافی دیاں درخواستاں ݙتن، جیندے اچوں 48 درخواستاں قانونی کارروائی کیتے ” کورٹس آف اپیل” اچ نظرثانی کیتے ٻھڄوا ݙتیاں ڳن اتے 19 مجرمان دیاں درخواستاں انسانی بنیاداں تے قانون دے مطابق منظور کر تے معافی دا اعلان کیتا ڳئے اتے انہاں کوں ضابطے دی کارروائی دے بعد رہا کر ݙتا ویسی۔ ٻنھاں درخؤاستاں تے وی تیکھے قانون دے مطابق فیصلہ کیتا ویسی۔ سزا معاف کراوݨ آلے 19 مجرمان اچ محمد ایاز ولد صاحبزادہ خان، سمیع اللہ ولد میرداد خان، لئیق احمد ولد منظور احمد، امجد علی ولد منظور احمد، یاسر نواز ولد امیر نواز خان، سعید عالم ولد معاذ اللہ خان، زاہد خان ولد محمد نبی، محمد سلیمان ولد سعید غنی جان، حمزہ شریف ولد محمد اعظم، محمد سلمان ولد زاہد نثار، اشعر بٹ ولد محمد ارشد بٹ، محمد وقاص ولد ملک محمد خلیل، سفیان ادریس ولد ادریس احمد، منیب احمد ولد نوید احمد بٹ، محمد احمد ولد محمد نذیر، محمد نواز ولد عبدالصمد، محمد علی ولد محمد بوٹا، محمد بلاول ولد منظور حسین اتے محمد الیاس ولد محمد فضل حلیم شامل ہین۔ آئی ایس پی آر آکھیے جو ٻئے مجرمان وی اپیل سودھا ٻئے قانون و آئین دے مطابق قانونی حقوق استعمال کر سڳدن، سزائیں اچ معافی ساݙے منصفافہ قانونی عمل تے انصاف دی مضبوطی دا ثبوت اے۔ اے نظام ہمدردی اتے رحم دے اصولاں سانڳے انصاف یقینی ٻݨیدے۔ ایں تون پہلے وی اپریل 2024 اچ انسانی بنیاداں تے 20 مجرمان دی رہائی دا حکم ݙتا ڳیا ہا۔
