اسلام آباد ۔ 8 مارچ (اے پی پی) وفاقی وزیر نجکاری تے مسلم لیگ(ن) دے رہنما دانیال عزیزآکھیے جو جے آئی ٹی کیلبری فونٹ دے معاملے تے عدالت کوں گمراہ کیتا، جرح اچ ثابت تھی گے جو کیلبری فونٹ موجود ہئی تے اینکوں ڈاﺅن لوڈ کیتا ونج سگدا ہئی ،ایندا جائزہ گھدا ونجنڑاں چاہیدے،فیصلے تے ایں سانگے تنقید کیتی جو اساڈے نال زیادتی تھیندی پئی ہئی ،برطانوی حکومت سمجھدی اے جو سیاسی کیس اے ۔ خمیس کوں احتساب عدالت دے باہروں میڈیا نال گال بات کریندے ہوئیںدانیال عزیز آکھیے جو جے آئی ٹی دی رپورٹ اچ اے فائنڈنگ ڈتی گی اے جو ایندے تے ساریں دے دستخط ہن جو کیلبری فونٹ دے استعمال دی وجہ توں فرانزک رپورٹ دی بنیاد تے ٹرسٹ ڈیڈ دستاویزات نقلی ہن جڈاں جو اے جرح اچ ثابت تھی گے جو کیلبری فونٹ تاں موجود ہئی تے کوئی وی اینکوں ڈاﺅن لوڈ کرسگدا ہئی انہاں وی کیتے ۔
.jpg)
