اسلام آباد۔3اکتوبر(اے پی پی) وزیر اعظم محمد شہباز شریف آکھیے ملائشیا دے وزیراعظم انور ابراہیم کوں پاکستان آوݨ تے خوش آمدید آکھدوں ،انھاں دے دورے تے ݙو پاسے تعلقات مزید مستحکم بݨاوݨ تے ݙوہیں قوماں وچال تعلقات مزید ودھاوݨ تے فیدہ مند ڳالھ مہاڑ تھیسی ۔ ملائشیا دے وزیراعظم انور ابراہیم دی ایکس تے پاکستان پڄݨ تے نور خان ائیر بیس تے وزیر اعظم شہباز شریف تے ٻئے دی طرفوں استقبال دیاں تصویراں نال کیتی ڳئی پوسٹ دے جواب اچ انھاں کوں مخاطب کریندے آپݨی پوسٹ اچ وزیر اعظم شہباز شریف آکھیے ملائشیا دے وزیراعظم دے دورے توں امن،خوشحالی اتے علاقائی ترقی دے ساݙے عزم کوں مزید تقویت ملسی ۔ وزیراعظم آکھیے آؤ رل تے پاکستان تے ملائشیا دا مستقبل روشن بݨاؤں۔
