اسلام آباد۔14ستمبر(اے پی پی):نگراں وزیراعظم انوار الحق کاکڑ صارفین کوں عالمی معیار دے ہوائی سفر دی سہولت ݙیوݨ کیتے قومی ائیرلائن دی تیکھے نجکاری کرݨ تے زور ݙتے۔ او اسلام آباد اچ پاکستان انٹرنیشنل ائیرلائن دے معاملیاں بارے جائزہ اجلاس دی اڳواݨی کریندے پئے ہن۔ اجلاس اچ پی آئی اے دی نجکاری اتے ٻئے معاملیاں تے بریفنگ ݙتی ڳئی۔ وزیراعظم متعلقہ حکام کوں پی آئی اے دی تیکھے نجکاری کرݨ دی ہدایت کریندے آکھیے جو صارفین کوں عالمی معیار دے ہوائی سفر دی سہولت ݙیوݨ کیتے قومی ائیرلائن دی تیکھے نجکاری کرݨ ضروری اے۔ وزیراعظم وزارت نجکاری دی زیرنگرانی پی آئی اے دی نجکاری دا کم تیکھا کرݨ دی ہدایت کیتی۔
