کراچی۔22ستمبر (اے پی پی) نگران وفاقی وزیر اطلاعات تے نشریات مرتضیٰ سولنگی آکھیا جو صاف، شفاف انتخابات کراوݨ اساݙی سانجھی ذمہ واری اے، نگران حکومت انتخابات کیتے ماحول سازگار ٻݨیسی۔ میڈٰیا انتخابات اچ الیکشن دے مختلف مرحلیاں دا حصہ ہوندے۔ انتخابات اچ عوام تئیں ٹھیک معلومات دی رسائی ݙیوݨ کیتے مستند رپورٹنگ اہم اے۔ اے ڳالھیں انہاں جمعے کوں نگران وزیراعلیٰ سندھ جسٹس (ر) مقبول باقر نال ملاقات کریندیں ہوئیں آکھی۔ ملاقات اچ آزادانہ، منصفانہ اتے شفاف انتخابات کراوݨ، انتخابی عمل اچ میڈیا کوں سہولتاں ݙیوݨ سودھے اہم معاملیاں تے ڳالھ تھئی۔ نگران وفاقی وزیر اطلاعات ایں موقع تے آکھیا جو صاف، شفاف انتخابات کراوݨ اساݙی سانجھی ذمہ واری اے، نگران حکومت انتخابات کیتے ماحول سازگار ٻݨیسی۔
