اسلام آباد۔17جون (اے پی پی) صدر مملکت ڈاکٹر عارف علوی آکھیا جو چھوٹے ڈیم بݨاوݨ اتے ٻئے کئی اقدامات نال پاݨی سانبھݨ دے ذرائع ودھا تے خشک سالی نال نبڑیا ونڄ سڳدے۔ پاکستان خشک سالی نال نبڑݨ کیتے اقدامات کریندا پئے۔ اے ڳالھیں انہاں صحرا اتے خشک سالی نال نبڑݨ دے جڳ ڈیھاڑ دے موقع تے آپݨے سنیھے اچ آکھی۔ صدرمملکت آکھیا جو ایں سال صحرا اتے خشک سالی دا ݙینھ دا موضوع قحط نال رَل تے نبڑݨ اے۔ ایں نال خشک سالی دے شکار ملکاں کوں کٹھا تھیوݨ کیتے ہک مضبوط سنیھا ملسی۔
