کوئٹہ۔13جون (اے پی پی):قومی احتساب بیورو بلوچستان محکمہ صحت بلوچستان دے گریڈ 9 دے ملازم دی کروڑاں روپے دی کرپشن دا پتہ لیندے ہوئیں ریفرنس احتساب عدالت کوئٹہ اچ دائر کرݙتے ۔ ترجمان نیب موجب ملزم خالد بھٹی میڈیکل ٹیکنیشن محترمہ بینظیر بھٹو ہسپتال آپݨے ، ذال تے بزنس پارٹنر دے ناں تے کوئٹہ، لاہورتے ساہیوال اچ کمرشل پلازے، گھر،اتے زرعی زمین تے قیمتی ڳاݙیاں سودھے ٻہوں سارے اثاثہ جات بݨا رکھئے ہن نیب کوں دوران تحقیقات پتہ لڳیے جو شہید بینظیر بھٹو ہسپتال کوئٹہ دے میڈیکل ٹیکنیشن خالد بھٹی دوران ملازمت مبینہ طور تے کرپشن دے ذریعے کوئٹہ، لاہور اتے ساہیوال اچ کمرشل پلازے اتے ایکڑاں زمین آپݨی ذال تے بزنس پارٹنر فقیر حسین دے ناں تے بݨائی اے ، جیں دی بابت ملزم تحقیقاتی ٹیم کوں جواز نی ݙے سڳیا۔ نیب بلوچستان ملزم دے خلاف پکے ثبوت کٹھے کرتے ریفرنس احتساب عدالت کوئٹہ اچ دائر کرݙتن۔ واضح رہے جو ملزم کرپشن دے ھک بئے کیس اچ عدالت دی طرفوں ݙو سال پہلے جیل بھجواݙتا ڳیا ہئی ۔ مذکورہ کیس معزز عدالت اچ زیر سماعت اے۔
