اسلام آباد۔6جون (اے پی پی) وزیراعظم شہباز شریف آکھیے جو حکومت جاپان دے نال تعلقات کوں مزید ودھاوݨ کیتے پرعزم اے، جاپان دا شمار پاکستان کیتے وݙے ڈونر ملکاں اچ تھیندے ، پاکستان اچ ڳاݙیاں دی صنعت ہزاراں لوکاں کوں روزگار ݙتے ، ݙوہیں ملکاں وچال تجارت دے ودھارے اچ آندیاں رکاوٹاں کوں ہٹایا ویسی ، اے ڳالھ انہاں سنوار کوں اتھاں جاپانی سرمایہ کاراں نال ملاقات اچ آکھی اے ۔ وزیراعظم آکھیے جو جاپان پہلی جنگ عظیم دے بعد جیوں ترقی کیتی او قابل تعریف اے، جاپانی قوم انتھک محنت نال ترقی دیاں منزلاں پار کیتن ، جاپان دے لوکاں کاروباری اصولاں دے اچے معیار توں آگاہ ہاں، جاپان سیاسی وابستگی توں بالاتر تھی تے ہمیشہ پاکستان دی مدد کیتی، جاپان دا شمار پاکستان دے نیڑے دوستاں اچ تھیندے ، 90ء دے ݙھاکے تئیں ٻہوں ساریاں جاپانی کمپنیاں پاکستان اچ کم کریندیاں پئن ،2016 اچ سوزوکی کمپنی دے نال مثبت مذاکرات تھئن ، پاکستان اچ ڳاݙیاں دی صنعت ہزاراں لوکاں کوں روزگار ݙتے ، جاپان پاکستان اچ اہم منصوبیں اچ معاونت کریندا پئے ،جاپان دی طرفوں گزریل ست عشریں اچ 13 ارب ڈالر دی خطیر رقم پاکستان کوں ݙتی ڳئی ، انہاں آکھیے پاکستان تے جاپان دے تعلقات کوں مزید وسعت ݙیوݨ کیتے پرعزم ہن۔
