اسلام آباد – 11 – سيپٽمبر (اي پي پي) اطلاعات ۽ نشريات واري مملڪتي وزير فرخ حبيب گڏيل قومن جي امن مشن ۾ پاڪ فوج جي لانس نائيڪ عادل جان جي شهادت تي گهري ڏک ۽ افسوس جو اظهار ڪيو آهي. پنهنجي بيان ۾ مملڪتي وزير فرخ حبيب چيو ته پاڪستان امن سان محبت ڪندڙ ملڪ آهي، عالمي امن ۽ استحڪام جي لاءِ هيستائين پاڪ فوج جا 161 جوان شهيد ٿي چڪا آهن. هن چيو ته پاڪستان جي 22 ڪروڙ عوام عالمي امن قائم ڪرڻ جي لاءِ شهيد ٿيندڙ پاڪ فوج جي جوانن کي سلام پيش ڪري ٿي.
