اسلام آباد۔29اپریل (اے پی پی) صدر مملکت آصف علی زرداری گلگت بلتستان اچ پن بجلی دی بے پناہ صلاحیت کوں ترقی کیتے استعمال کرݨ دی لوڑھ تے زور ݙیندیں ہوئیں آکھیا جو قدرتی وسائل کوں علاقے دی معاشی خوشحالی کیتے ترقی ݙیوݨی پوسی۔ صدرمملکت اے ڳالھیں گلگت بلتستان دے گورنر سید مہدی شاہ اتے وزیر اعلیٰ گلبر خان نال ڳالھ مہاڑ کریندیں ہوئیں آکھیا جنہاں سنوار کوں ایوان صدر اچ انہاں نال ملاقات کیتی۔ صدر آکھیاجو گلگت بلتستان کوں معدنیات اتے جواہرات سویں قدرتی وسائل نال نوازیے۔ ملاقات اچ صدرمملکت کوں گلگت بلتستان حکومت دے ترقیاتی منصوبیاں بارے ݙسیا ڳئیا۔
