راولپنڈی۔22جنوری (اے پی پی) سکیورٹی فورسز دے پاک افغان سرحد دے نیڑے ژوب اچ آپریشن اچ 7 دہشت گرد ماریے ڳئن۔ سنوار کوں آئی ایس پی آر توں جاری پریس ریلیز موجب ژوب دے علاقے سمبازہ اچ سکیورٹی فورسز انٹیلی جنس بیسڈ آپریشن کیتا جئیں اچ ست دہشت گرد ماریے ڳئن۔ اے دہشت گرد سکیورٹی فورسز اتے عام شہریاں تے حملیاں اچ ملوث ہن۔ ماریے ڳئے دہشت گرداں دے قبضے توں وݙٰی مقدار اچ اسلحہ ،گولہ بارود برآمد کیتا ڳئے۔ علاقے اچ کہیں ٻئے دہشت گرد دی ڳول کیتے سرچ آپریشن جاری اے۔
