اسلام آباد۔15نومبر(اے پی پی) نگراں وفاقی وزیر خزانہ، محصولات اتے اقتصادی امور ڈاکٹر شمشاد اختردی صدارت اچ ٻدھ کوں کابینہ کمیٹی ریاستی ملکیتی اداریں دا اجلاس تھئے ۔ اجلاس اچ کمیٹی دے سارے ارکان نال چیئرمین ایس ای سی پی، وفاقی سیکرٹریز اتے متعلقہ وزارتاں دے ٻئے اعلیٰ افسراں شرکت کیتی ۔ کمیٹی پچھلی میٹنگ دی ہدایات موجب ریاستی ملکیتی انٹرپرائزز (ملکیت اتے انتظام) پالیسی 2023 ،کمیٹی دے ارکان نال توں ملݨ آلے تاثرات رلاوݨ دے بعد جائزہ سانڳے ول کمیٹی کنے جمع کروائی ۔ کمیٹی مسودے اچ رلیاں تبدیلیاں دا جائزہ ڳھدا تے کابینہ دی منظوری سانڳے نظرثانی شدہ پالیسی دی سفارش کیتی۔اے پالیسی ریاستی ملکیت آلے کاروباری اداریں (گورننس اینڈ آپریشنز) ایکٹ 2023 اچ بیان کیتے ڳئے وسیع تر مقاصد موجب ریاستی ملکیت آلے اداریں دی حکمرانی تے آپریشن ودھاوݨ دے پاسے ہم قدم دی نشاندہی کریندی اے ۔
