اسلام آباد۔5فروری (اے پی پی):شہید بے نظیر بھٹو 5 فروری کوں یوم یکجہتی کشمیر مناوݨ دا اعلان کیتے ۔ اے ݙینھ مناوݨ دا مقصد اپݨے کشمیریاں دے نال یکجہتی دا اظہار کرݨا اے، مقبوضہ کشمیراچ بھارتی ریاستی دہشتگردی دی مذمت کرݨ، کشمیریاں دے حق خود ارادیت کیتے آواز بلند کرݨ تے مسئلہ کشمیر کوں پوری دنیا اچ اجاگر کرݨا اے ۔ اے ڳالھ انہاں وفاقی وزیر موسمیاتی تبدیلی سینیٹر شیری رحمان اتوار دے ݙینھ یوم یکجہتی کشمیر دے حوالے نال کیتے ، اپݨے بیان اچ انہاں آکھیے میں مقبوضہ کشمیر سودھے دنیا دے کشمیریاں کوں پیغام ݙیوݨ چاہندی اے جو حکومت پاکستان تے ہر شہری آزادی دی ایں جدوجہد اچ کشمیر تے کشمیر دے غیور عوام دے شانہ بشانہ کھڑن۔ مودی حکومت 5 اگست 2019 کوں اپݨے آئین دے آرٹیکل 35A اتے370 داخاتمہ کرتے سمجھدی اے کشمیر بھارت دا تھی ڳئے ۔ بھارت اتے دنیا کوں اے نی بھلݨا چاہیدے جو کشمیر اتے کشمیریاں دے مستقبل دا فیصلہ بھارتی آئین اچ ترمیم توں نی بلکہ کشمیریاں دی خواہش اتے اقوام متحدہ دی قرارداداں دے مطابق ہوسی۔ عالمی دنیا دی طرفوں کشمیر اچ مودی حکومت دے ریاستی جبر تے مجرمانہ خاموشی ٻہوں افسوسناک اے۔
