کراچی۔13اگست (اے پی پی)پورے ملک وانڳوں شہر قائد اچ وی جشن آزادی شایان شان طریقے نال منایا ویسی ایں حوالے نال شہر اچ تیاریاں کیتیاں ڳئن ، جاہ جاہ سٹالز لاتے ڳئن جتھاں شہریاں دی وݙی تعداد قومی پرچم ، بیجز مل گھنݨ دے نال نال یوم آزادی دی مناسبت نال ٻالاں کیتے وی خریداری کریندے پئن ، شہریاں گھراں تے گاݙیاں تے وی قومی پرچم لاتن ، شہر دے مختلف تعلیمی اداریں دے نال نال مختلف ایسوسی ایشنزتے تنظیماں یوم آزادی دی خوشی اچ کیک کٹنگ تے پرچم کشائی دی تقاریب منعقد کرݨ دے پروگرامز بݨائن ۔ جامعہ کراچی اچ کل اتوار کوں ڈائمنڈ جوبلی دے موقع تے پرچم کشائی دی تقریب منعقد تھیسی جݙاں جو کراچی پریس کلب اچ کیک کٹݨ دی تقریب منعقد تھیسی ۔ مختلف سیاسی تے مذہبی جماعتاں وی مختلف تقاریب منعقد کرݨ دے پروگرامز ترتیب ݙتن ۔
