اسلام آباد ۔ 13 مئی (اے پی پی) قومی اسمبلی صوبہ خیبرپختونخو?? دے قبائلی ضلعیاں دی قومی اتے صوبائی سیٹاں دے ازسرنو تعین سانگے دستور (ترمیمی) بل 2019ءمتفقہ منظوری ڈے ڈتی ہے۔ ترمیمی بل دی منظوری دے بعد انہاں ضلعیاں اچ قومی اسمبلی دی سیٹاں 6 توں ودھ تے 12 اتے صوبائی اسمبلی دی سیٹاں16 توں ودھ تے 24 تھی ویسن۔ سنوار کوں رکن قومی اسمبلی محسن داوڑ ولوں دستور (ترمیمی) بل 2019ءتے غور کرنڑ سانگے تحریک دی ایوان دے 278 ارکاناں منظوری ڈ??ی۔ بل دے خلاف کوئی اختلافی ووٹ نئیں آیا۔ تحریک دی منظوری دے بعد سپیکر قومی اسمبلی اسد قیصر بل دی شق وار منظوری دا عمل شروع کیتا۔ بل دی ??قا?? اچ محسن داوڑ اتے وفاقی وزیر مذہبی امور نور الحق قادری ترامیم پیش کیتیاں،جنہاں ایوان دی منظوری دے بعد بل اچ شامل کرگھدا گئے۔ ??ومی اسمبلی توں بل دی ساریاں ??قا?? دی منظوری گھدی گئی جیندی مجموعی طور تے 282 ارکاناں حمایت کی??ی۔ کہیں وی شق دے خلاف ایوان توں مخالف ووٹ نئیں آیا۔ بل دی ساریاں ??قا?? دی منظوری دے بعد تریجی خواندگی تحت رکن قومی اسمبلی محسن داوڑ تحریک پیش کیتی جو دستور (ترمیمی) بل 2019ءمنظور کیتا ونجے۔ جیندے بعد سپیکر قومی اسمبلی ایوان کوں آ ئینی ترمیم سانگے اوپن ڈویژن دا طریقہ ڈسایاجیندے بعد کجھ دیر گھنٹیاں وجائیاں گئیاں اتے ایوان دے سارے بوہے بند کرڈتے گئے۔ سپیکر اعلان کیتا جو بل دی منظوری دے حق اچ ارکان سجے پاسے لابی اچ تشرف گھن ونجنڑ اتے بل دی مخالفت کرنڑ آلے ارکان کھبے پاسے لابی اچ ونجنڑ۔ ایندے بعد 288 ارکان بل دے حق اچ گئے اتے مخالفت اچ کوئی ووٹ نئیں آیا۔ ایں طرح قومی اسمبلی دستور (ترمیمی) بل 2019ءدی اتفاق نال منظوری ڈے ڈ??ی۔ وزیراعظم عمران خان وی رائے شماری دوران ایوان اچ موجود ہن۔
