اسلام آباد۔2مئی(اے پی پی)صدر مملکت ڈاکٹر عارف علوی پوری قوم کوں عیدالفطر دی مبارکباد ݙیندے آکھیے جو عید خوشیاں ونݙݨ اتے معاشرے دے محروم طبقے کیتے ایثار کرݨ دا ݙینھ اے، ساکوں عید تے ضرورت منداں، نادار، غریباں اتے محتاجاں دا ہتھ ونݙاوں اتے انہاں کوں وی عید دیاں خوشیاں اچ رلائوں۔ عید تے اپݨے سنیہے اچ صدر مملکت آکھیا جو عید دی قوم کوں مبارک ہووے، اللہ تعالی توں دعا اے جو او ایں مبارک ݙینھ کوں سارے پاکستانیاں اتے عالم اسلام کیتے خوشی آلا اتے سوکھا ٻݨاوے، ساکوں رمضان المابرک دی خیر خیریت تے اللہ دا شکر ادا کرݨا چاہیدے جو اینڄھا پاک مہینے نصیب تھئے۔
