اسلام آباد۔12جنوری(اے پی پی) صدر مملکت ڈاکٹرعارف علوی پاکستان کوں غیر ملکی سرمایہ کاری تے کاروبار سانڳے پرکشش ملک قرار ݙیندے ہوئیں آکھیے جو پاکستان اچ سرمایہ کاری دے ٻہوں موقع موجود ہن ۔ او جرمنی دے عالمی فوڈ ہول سیلر ، میٹرو گروپ دے وفد نال ملاقات اچ ڳالھ کریندے پئے ہن ۔ایوانِ صدر دے پریس ونگ توں جری بیان موجب کمپنی دے سی ای او ڈاکٹر سٹیفن گروبل تے جرمنی دے پاکستان اچ سفیر وی ملاقات اچ موجود ہن ۔وفد صدر مملکت کوں پاکستان اچ میٹرو گروپ دے کاروبار تے سرمایہ کاری تے بریفنگ ݙتی ۔صدر ڈاکٹر عارف علوی آکھیے پاکستان ملک اچ ٻاہرلی سرمایہ کاری دے ودھارے کیتے کم کریندا پئے۔ وفد ݙسائے جو میٹرو کمپنی ملک اچ کاروباری سرگرمیاں کوں مزید ودھاوݨ چاہندی اے ، پاکستان اچ سرمایہ کاری تے کاروباری سرگرمیاں کیتے سازگار ماحول اے ، پاکستان کاروبار، سرمایہ کاری اتے سیاحت کیتے ھک پرکشش جاہ اے ۔صدر مملکت پاکستان اچ میٹرو گروپ دی سرمایہ کاری کوں چنڳاں آکھیے۔
