اسلام آباد۔23مارچ (اے پی پی) وفاقی وزیر اطلاعات تے نشریات مریم اورنگزیب آکھیا جو ملک دا آئین اتے قانون ہک شیطان دی مرضی تے نی چل سڳدا۔ او جݙاں چاہوے آئین تروڑ ݙیوے، جݙاں چاہوے اسمبلی تروڑ ݙیوے اتے ولا جݙاں چاہوے پولیس آلیاں دے سر بھن ݙیوے۔ خمیس کوں اپݨے ٹویٹ اچ وفاقی وزیر اطلاعا ت تے نشریات مریم اورنگزیب آکھیا جو ملک دا آئین تے قانون اینویں نی چل سڳدا۔ جݙاں چاہوے او الیکشن کمیشن تے حملہ کرے۔ عدالت دا دھاوہ بول ݙیوے۔ جݙاں چاہوے الیکشن تھیون۔
