اسلام آباد۔11اکتوبر (اے پی پی) صدر مملکت ڈاکٹر عارف علوی قطر دی مسلح افواج دے چیف آف سٹاف لیفٹیننٹ جنرل سالم حمد عقیل النابت کوں نشان امتیاز (ملٹری) عطاکیتا۔ ایں بارے ہک خصوصی تقریب بدھ کوں ایوان صدر اچ تھئی۔ صدرمملکت قطر دی مسلح افواج دے چیف آف سٹاف کوں ݙوہیں ملکاں وچال دفاعی تعلقات کوں مضبوط کرݨ اچ انہاں دی خدمات تے نشان امتیاز (ملٹری) عطا کیتا۔ تقریب تلاوت قرآن پاک اتے قومی ترانے نال شروع تھئی۔ تقریب اچ پاکستان اتے قطر دی مسلح افواج دے اعلیٰ افسر اتے اعلیٰ حکام شریک تھیے۔
