اسلام آباد۔31مارچ(اے پی پی):سینیٹ اچ قائد ایوان،وزیر خزانہ سینیٹر اسحاق ڈار آکھیے جو چین توں پاکستان دا 2 ارب ڈالر دا قرضہ رول اوور تھی چکیے ۔میڈیا دے کجھ حلقیں اچ ایں حوالے نال چیزاں گمراہ کن ہن۔ سینیٹ دے اجلاس اچ سینیٹررضا ربانی دے اعتراض دے نکتے دا جواب ݙیندے ہوئیں انہاں آکھیے جو ڈیلی رائٹرز اتے کجھ ذرائع ابلاغ اچ چین توں پاکستان دے قرضے کوں رول اوور کرݨ دے حوالے نال جیڑھی خبر آئی اے او گمراہ کن اے۔ چین دی طرفوں پاکستان دا 2 ارب ڈالر دا قرض رول اوور تھی چکیے ۔ انہاں آکھیے پاکستان دا بینک آف چائنا تے چین دے ٻئے پرائیویٹ بینکاں دے نال لین دین اے۔
