اسلام آباد۔10نومبر(اے پی پی) صدر مملکت آصف علی زرداری پاکستانی کرکٹ ٹیم کوں آسٹریلیا دے خلاف ون ڈے سیریز جتݨ دی مبارخ ݙتی تے پاکستان کرکٹ ٹیم کوں 22 سال بعد آسٹریلیا اچ ون ڈے سیریز جتݨ تے شاباش ݙتی اے ۔ ایوان صدر پریس ونگ توں جاری بیان موجب صدر مملکت آکھیے پاکستان کرکٹ ٹیم بہترین کارکردگی ݙکھائی اے ، پوری ٹیم ایں شاندار کارکردگی تے مبارخ دی مستحق اے۔صدر مملکت آصف علی زرداری ایں امید دا اظہار کیتے جو پاکستان کرکٹ ٹیم مستقبل اچ وی مزید کامیابیاں گھنسی۔
