اسلام آباد۔6نومبر(اے پی پی):نگراں وزیر اعظم انوارالحق کاکڑ ہدایت کیتی اے جو اسلام آباد سودھا پورے ملک اچ گاݙیاں دی رجسٹریشن کیتے مرکزی ڈیجیٹل نظام ٻݨایا ونڄے، وفاقی دارالحکومت اچ گاݙیاں دی نمائش، نیلامی وخرید و فروخت کیتے مناسب ڄاہ تے ہک کار سٹی دا جامع منصوبہ ݙیوو، مارگلہ نیشنل پارک سودھا کیپٹل ڈویلپمنٹ اتھارٹی دیاں زمیناں تے غیر قانونی تجاوزات دے خلاف بلا تفریق آپریشن کیتا ونڄے۔ اے ہدایات انہاں اسلام آباد اچ اسلام آباد دے انتظامی امور، امن و امان اتے انسداد منشیات بارے اجلاس دی اڳواݨی کریندے ݙتن۔ اجلاس اچ اسلام آباد اچ سرکاری ملکیتی زمیناں تے غیر قانونی تجاوزات، کیپٹل ڈویلپمنٹ اتھارٹی دے ترقیاتی منصوبیاں، اسلام آباد کیپٹل ٹیریٹری پولیس دی کارکردگی اتے ٻئے معاملیاں تے بریفنگ ݙتی گئی۔ وزیر اعظم اسلام آباد اچ ٹریفک دا دباؤ ڳھٹاوݨ کیتے مؤثر حکمت عملی دا آکھیا جو شہر اچ پبلک ٹرانسپورٹ نظام اچ بہتری ڳھن آئی ونڄے، پراݨیاں ڳاݙیاں دی فٹنس، عالمی معیار دے مطابق ماحولیاتی آلودگی بارے سرٹیفکیٹ ݙتے ونڄن، پورے ملک اچ ڈرائیونگ لائسنس اجراء نظام کوں شفاف و مؤثر ٻݨایا ونڄے، اسلام آباد پولیس شہریاں دے تحفط کیتے اقدامات کرے تعلیمی اداریاں اچ منشیات دے استعمال اتے جرائم پیشہ عناصر دے خلاف کارروائی کیتی ونڄے۔
