دوحہ۔24اگست (اے پی پی):وزیراعظم مینھ وسݨ دے نویں سلسلے پاروں نظر ریسکیو تے ریلیف دا عمل تکھا کرݨ دی ہدایت کیتی اے ، ٻدھ کوں وزیراعظم آفس دے میڈیاونگ توں جاری بیان موجب وزیراعظم شہباز شریف قطر توں سیلاب متاثرین دے ریسکیو، ریلیف دے اقدامات دی نگرانی کریندے پئن ۔ وزیراعظم این ڈی ایم اے سودھے سارے متعلقہ وزارتاں اتے محکمیں کوں اشتراک عمل دے نال کم کرݨ دی ہدایت کیتی اے ۔ بیان موجب وزیراعظم آکھیے جو ول ول مینھ وسݨ دا سلسلہ سیلاب دی تباہی کوں مزید ودھیندا پئے ۔ سیلاب توں لوکاں دا ٻہوں ضیان تھئے انہاں دی مدد کرݨ اساں ساریں دا فرض اے ۔ قدرتی آفتاں دا شکار علاقیں اچ بحالی ھک ٻہوں وݙا کم اے اے اجتماعی کوشش توں ہی ممکن اے ۔ وزیراعظم اندرلے تے ٻاہرلے ملک پاکستانیاں، مخیر اداریں اتے تنظیماں توں متاثرین دی مدد سانڳے ہتھ ونڈاوݨ دی اپیل کیتی اے ۔
