اسلام آباد ۔ 09 ستمبر(اے پی پی) پاکستان مسلم لیگ (ن) دی رہنما مائزہ حمید آکھیا ہے جو موجودہ حکومت پورے ملک اچ انفرا سٹرکچر اتے ترقیاتی کماں دا جال وچھاڈتا ہے۔ ریڈیو پاکستان نال گالھ مہاڑ کریندے ہوئیں انہاں آکھیا جو پاکستان مسلم لیگ ن دی حکومت پورے ملک اچ ترقیاتی کم کریندی پئی ہے اتے کجھ لوکاں دا اے خیال درست کائنی جو حکومت صوبہ پنجاب اچ ہی ترقیاتی کم کریندی پئی ہے ۔انھاں آکھیا جو وزیراعظم نواز شریف سارے صوبیں دے دورے کیتے ہن اتے ہر جاہ انفراسٹرکچر ڈویلپمنٹ ،تعلیمی اصلاحات ،سڑکاں دے تعمیر توانائی دے پروجیکٹ،شروع کیتے ہن ۔انہاں آکھیا جو وزیراعظم جیرھا وعدہ کریندے ہن او پورا وی کریندے ہن ۔مائزہ حمید آکھیا جو گزریل ڈینھ انہاں کراچی اسٹاک ایکسچینج دا دورہ کیتا تاں ہک ڈینھ اچ انڈیکس 4 ہزار پوائنٹ تے چلیا گیا۔ انھاں آکھیا جو وزیر اعظم دا ویژن ہے جو ملک ترقی کرے عوام خوشحال تھیوے مہانگ گھٹ تھیوے اتے بے روزگاری دا خاتمہ تھیوے ۔
